^ TOP BACK

COLABORADORES

itnor

 

Radio Estrada

 

copion

 

continental

HISTORIA DO C.D. ESTRADENSE

Nuns anos de precariedade económica e de fiebre futbolística na bisbarra da Estrada, alimentada polo auxe deste deporte a primeiros do século XX, pola nula oferta de ocio na sociedade de aquel tempo e pola dimensión competitiva entre pandillas de amigos e entidades de poboación diversas, así como unha euforia colectiva reflexada nese intre no Concello da Estrada e no seu alcalde D. Benito Vigo Munilla, querendo dotar á nosa Vila de infraestructuras e servizos que non tiñan a grande maioría de Vilas galegas, como a traída de auga, alcantarillado ou praza de abastos, fixo, que a ilusión creada, polas causas anteriormente citadas, nos habitantes da Estrada (1592 no casco urbán e 25471 na totalidade do concello), así como nos emigrantes de distintas partes do mundo, derivara no sostemento económico e social dunha nova entidade deportiva que naceu no ano 1925 para se-lo referente deportivo e de ocio do noso Concello, denominada Deportivo Estradense.

 

Principalmente foron os promotores de esta fundación: D. Emilio Velasco García, comandante do Batallón de Reserva da Estrada e primeiro presidente do Club e máis D. Jesús Durán Taboada, empresario estradense; neste ano 1925 estas persoas pediron a colaboración do Concello da Estrada para soster un equipo de fútbol, obtendo a clásica resposta de que non había presuposto; sin axuda previa, puxéronse ó frente con un grupo de aficionados, decidindo levar o Club adiante con xogadores estradenses e algún militar do destacamento local, e coa idea de federa-lo equipo a curto prazo, organizando mentras partidos amigables, en principio en campos forasteiros, xa que na Estrada nese intre, non había un lugar para practicar fútbol, debido a que na ubicación do antiguo Campo da Pira construiase a Praza de Abastos.

 

O Deportivo Estradense xogou o seu primeiro partido con esta denominación, na Vila de Caldas de Reis, o día 31 de Maio do 1925, contra un equipo da localidade de Padrón, os da Estrada vestiron camisa de cor vermella e presentaron a seguinte alineación: Pereira; Lueiro, Jesús; Emilio, Cándido, Xestoso; Rey, Carballeda, César, Campos e Pepucho; o encontro rematou co resultado de 3-2 a prol do conxunto da Estrada; xogáronse posteriormente varios encontros noutras localidades, cunha numerosa presencia de aficionados estradenses, atraídos polas excursións organizadas paralelamente ós partidos.

Iba medrando o número de asociados, así como a ansiedade de xogar na Estrada un encontro, polo que a Xunta Directiva alugou un terreo, mais ou menos onde está actualmente o chalet da familia Blanco para construir a este campo chamábanlle o da Decoita ou do Barrio Novo con este motivo e co de poder participar nas competicións oficiais, e nel xogouse o primeiro partido formal de fútbol da historia do noso concello nun domingo de abril do ano 1926, ás catro da tarde, con cheo absoluto de afeccionados, entre o Deportivo Estradense e o Trust Escolar compostelán; os da Estrada formaron do seguinte xeito: Cándido, Díaz, Mella; Juanito, Cándido, Cantón; Seso, Rey, Reino, Jesús e Carballeda; o marcador final foi de 4 goles a 3 para os locais.

 

No ano 1926 o Deportivo Estradense figura federado na Serie C Rexional, terceira categoría a nivel galego, despois da Serie A donde foi campeón o Celta, e da Serie B onde gañou o Alfonso XIII de Pontevedra;

O campo do Barrio Novo ou da Decoita que balado, con herba e gradas escalonadas aproveitando o desnivel do terreo, estaba considerado un dos millores campos de Galicia foi inaugurado oficialmente en marzo do ano 1927, máis concretamente o martes de Pascua, e que posteriormente vería xogar ó Celta, ó Eiriña de Pontevedra e a outros Clubes galegos punteiros.

 

A primeiros dos anos 30 os propietarios reclamaron os terreos do campo e este feito causou unha desilusión entre xogadores e aficionados; uns meses máis tarde a Xunta Directiva presidida por D. Manuel Durán Esmorís alugou unha carballeira á Familia Leyes, detrás da Estación de Autobuses actual, que despois de preparala un pouco deixou un campo de reducidas dimensións, aberto, cunha lixeira costa e cunha toxeira contigua que servía como “vestiario”. Esta circunstancia non impideu que fora neste primeiro lustro dos anos 30 cando o fútbol estradense acadou o seu máximo nivel, con xogadores como Gonzalo Varela, que sería xogador e capitán do Celta na 1ª División durante varios anos; Enrique Durán, a proba polo Celta nunha pretempada; Manolo Torrado, pretendido polo Oviedo; Augusto Reino, xogador do Eiriña; Pedro Sande, posteriormente xogador do Pontevedra e Verino Durán, quizás técnicamente o mellor xogador da Estrada, entre outros xogadores locais que por diversas circunstancias non poideron destacar en Clubes de superior categoría. Logo chegaría a Guerra Civil, creando unha división social e unha precariedade total, cortándolle aspiracións deportivas á xuventude e a varios, levándolle a vida, entre eles o ideólogo do Club, Secundino Campos Pego, diseñador do escudo, redactor do primeiro Regulamento e compositor dun himno; reseñar tamén que nesta época foi censurada a camiseta do Deportivo Estradense por ser dunha cor non grata para os adictos ó réximen establecido.

Despois de rematada a guerra, a Familia Leyes recuperou os seus terreos, indo os rapaces a xogar os seus partidos ó Campo da Feira, costa arriba e costa abaixo, hasta descubrir un pequeño espacio sobrante na explanada onde o Concello botaba o lixo, atravesado por unha liña de alta tensión eléctrica; ó ver xogar alí ós nenos, os maiores tamén empezaron e seguidamente solicitaronlle ó Concello que llo acondicionaran, nacendo así o Campo da Baiuca.

 

Polo ano 1959, coincidindo coa chegada á Alcaldía de D. Mario Blanco Fuentes, retomouse un proxecto para construcción de un gran Estadio Deportivo redactado no 1942 polo arquitecto Juan Argenti, creando para tal efecto unha comisión, na que estaban integradas tódalas entidades sociais e deportivas estradenses, que consigueu ilusionar e unir a toda A Estrada nun común obxetivo: ter na nosa Vila o terceiro estadio mais grande de Galicia despois de Balaidos e Riazor; con moitas dificultades e gran ilusión e traballo de moitas persoas, en especial do Alcalde e de Herminio Bahamonde López, presidente da Peña Celtista, consigueuse leva-lo proxecto adiante. O presidente actual D. Mario Blanco Fuentes nomea como sustituto seu a D. Federico Ramírez Calvo, que no ano 1960 inscribe ó equipo no Torneo Rías Baixas, e despois de ve-lo papel que fixo o equipo na Liga dimite e deixalle o seu posto a D. José Araujo Ulloa; logo dun ano máis nesta categoría o Deportivo Estradense ten a posibilidade, por haber unha praza vacante, de xoga-lo campeonato de Serie A Regional que coménzase a xogar no 1962; estuvo hasta 1978 ininterrumpidamente nesta categoría paseando o nome da Estrada por toda a xeografía galega con máis ou menos acerto. A primeiros dos 70 creouse unha sección de Balonmán, chegando a ser un equipo punteiro nas competicións provinciais.

 

Despois duns anos nas categorías de 1ª e 2ª Regional ascendeu á Rexional Preferente no ano 1988 e tres anos máis tarde á 3ª División, categoría na que compiteu sete tempadas, conquerindo nunha delas a clasificación para xoga-la Copa do Rei; nestes anos e baixo a presidencia de D. Alfonso Varela Vázquez, a máis longa da historia do Club con 18 anos en dúas etapas, intentouse facer unha base con equipos de tódalas categorías, dado que o Deportivo Estradense históricamente, como moito, tivo de seu un equipo B denominado Atlético Estradense ou un na categoría xuvenil; tamén levouse a cabo unha fusión de tódalas modalidades deportivas existentes dentro dun proxecto denominado Grupo Deportivo Estradense. O Club actualmente milita na Rexional Preferente.

Para rematar, desde esta páxina web, a actual Xunta Directiva do Club Deportivo Estradense quere agradecer a tódalas persoas que fixeron posible que esta entidade sobrevivise estes 80 anos: xogadores, adestradores, empregados, colaboradores, membros das Xuntas Directivas, socios, aficionados, etc., sobre todo a aqueles que colaboraron fiel e desinteresadamente polo ben do primeiro Club Deportivo do Concello da Estrada.